Mamlakat Bosh vaziri Pedro Sanches Pekinga tashrifi chog‘ida Xitoy iqlim o‘zgarishi, xavfsizlik va xalqaro huquqni himoya qilishda yanada muhimroq rol o‘ynashi kerakligini ta’kidladi. Uning fikricha, AQSh ko‘plab frontlarda o‘z yetakchilik pozisiyasini tark etayotgan bir paytda, Yevropa va Xitoy global barqarorlik uchun mas’uliyatni oshirishi lozim.
Ispaniya Bosh vaziri Pekinni Livan, G‘azo va Ukrainadagi mojarolarni to‘xtatishda faol ishtirok etishga chaqirib, Xitoyni iqtisodiy raqib emas, balki strategik ittifoqchi deb atadi. Shuningdek, tashrifdan ko‘zlangan asosiy maqsadlardan biri — Ispaniyaning Xitoy bilan savdodagi 50 milliard dollarlik defisitini kamaytirish va o‘zaro iqtisodiy aloqalarni muvozanatlashtirishdir. Madrid qishloq xo‘jaligi va sanoat mahsulotlari eksportini oshirish orqali Xitoydan kelayotgan katta hajmdagi import bosimini yumshatishga umid qilmoqda.
Ertaga Pedro Sanches Xitoy raisi Si Jinpin bilan uchrashib, asosiy geosiyosiy va iqtisodiy masalalarni muhokama qilishi kutilyapti.
Uganda prezidentining o‘g‘li Turkiyadan 1 mlrd dollar va eng go‘zal qizni talab qilmoqda
Javohir Sindarov va ijtimoiy tarmoqlarni portlatgan surat
Tadbirkor prezidentdan 2–3 tonna oltin so‘radi va....
