Islam Maxachev Italiyada o‘g‘irlikka uchradi

Ikki vazn toifasida UFC chempioni Islam Maxachev Italiyada o‘g‘irlikka uchraganini ma’lum qildi.

"Men Italiyaga yaxshi kayfiyatda kelgandim, lekin endi bu yer menga yoqmay qoldi. Keyinroq qanday qilib meni aldashganini aytib beraman. Hamyonim va pasportim qoldi. Pasportni “yaxshi” o‘g‘rilar qaytarib berishdi.

Chemodanimdagi eng qimmat narsa butsalar edi. Agar futbol sizlarga qiziq bo‘lmasa, ularni qaytarib beringlar. Xavotir olmanglar, hammasi joyida, havotirga o‘rin yo‘q. "Gilamcham" ham qoldi, boshqa hech narsa kerak emas", — deb yozdi Maxachev.