Ilhom Aliyev Armanistonni Ozarbayjon chegarasi yaqinida qurilayotgan metallurgiya zavodi uchun tanqid qildi.
"Chegara yaqinida daryolarning ifloslanishi va atrof-muhitga xavf tug‘diruvchi manba sifatida ko‘rilishi mumkin bo‘lgan korxonalarni qurish qo‘shni davlatlar bilan kelishilishi kerak va biz buni Yerevandan talab qilamiz", — deb ta’kidladi Ozarbayjon Prezidenti.
Metallurgiya zavodining umumiy sarmoya miqdori 70 million dollarni tashkil etadi. U Armanistonning Ozarbayjon bilan chegarasi yaqinidagi Yerasx qishlog‘ida, Armaniston va AQSh ishbilarmonlari hamkorligida qurilmoqda.
