Husiylar Makkaga dron uchirganini rad etdi

Harakatning siyosiy byurosi a’zosi Muhammad al-Farah musulmonlarning muqaddas shahri nishonga olingani haqidagi xabarni inkor etdi. Husiylar tomonidan boshqariladigan SABA axborot agentligida e’lon qilingan bayonotda bu ayblov “mutlaqo yolg‘on” deb ataldi. Shu bilan birga, husiylar so‘nggi hafta davomida Saudiya Arabistonidagi harbiy va energetik ob’ektlarga bir nechta yirik hujumlar uyushtirganini ma’lum qildi. Ular bu hujumlar Yamanga qilingan havo zarbalariga javoban amalga oshirilganini bildirdi. Avvalroq, Saudiya Arabistoni husiylar tomonidan Makkaga uchirilgan dronni urib tushirganini aytgan edi.