«Hududgazta’minot» AJ xonadonlardagi uy ichi gaz jihozlarini monitoring qilish va ularga servis xizmat ko‘rsatish dasturini ishga tushirmoqda
Kompaniya axborot xizmati ma’lum qilishicha, mutaxassisoar “HGT Service” dasturiy ta’minotini - gaz uskunalarining holati to‘g‘risida batafsil ma’lumotlarni masofadan yig‘ish hamda har bir abonent bo‘yicha tabiiy va suyultirilgan gazdan oqilona foydalanishni nazorat qilish texnologiyasini ishlab chiqqan.
Ushbu dastur gaz uskunalarini kundalik hayotda ishlatishda iste’molchilar xavfsizligini ta’minlashga, gaz ta’minoti tizimi xodimlari tomonidan gaz jihozlariga texnik va profilaktik xizmat ko‘rsatish bo‘yicha majburiy xizmatlar sifatini baholash va o‘zaro hisob-kitoblarni naqd pulsiz amalga oshirishga qaratilgan.
