Hormuzda Ozodlik operasiyasi Eron bilan sulhdan voz kechmasdan amalga oshirilmoqda

AQSh harbiy vaziri Pit Xegsetning aytishicha, Hormuz bo‘g‘ozida "Ozodlik" operasiyasining boshlanishi Eron bilan sulhning tugashini anglatmaydi.

Bu haqda Pentagon rahbari Pit Xegset matbuot anjumanida aytib o‘tdi.

"Yo‘q, sulh tugamadi. Oxir-oqibat, "Ozodlik" operasiyasi alohida va mustaqil operasiya. Biz boshida ba’zi asoratlar paydo bo‘lishini kutgan edik va shunday bo‘ldi. Biz o‘zimizni himoya qilamiz va buni qat’iyat bilan qilamiz, dedik va biz aynan shunday qildik. Eron buni biladi", dedi u.

Xegsetning so‘zlariga ko‘ra, muayyan harakatlar sulhni buzadimi yoki yo‘qmi degan qarorni AQSh prezidenti qabul qiladi.

U shuningdek, Vashington Eronni eskalasiyaning oldini olish uchun o‘zini tutishga chaqirayotganini ta’kidladi.

"Biz bo‘g‘ozlar, kemalar erkinligi, xalqaro suvlar, erkin savdo oqimi - ilgari mavjud bo‘lgan va faqat Eron qiyinchilik tug‘dirayotgan barcha narsalar haqida gapiryapmiz", deb ta’kidladi Pentagon rahbari.

Uning qo‘shimcha qilishicha, hozirda sulh amal qilmoqda, ammo AQSh vaziyatni diqqat bilan kuzatib boradi.