Isroil bilan o‘t ochishni to‘xtatish to‘g‘risida kelishuv tuzilganidan beri birinchi marta Livanning Hizbulloh harakati Livan bilan chegaradosh Kfar Shuba qishlog‘i hududida Isroil armiyasi pozisiyalariga hujum qilganini e’lon qildi.
Bu haqda harakat bayonotiga tayanib, "Al-Manar" telekanali xabar berdi.
"Islomiy qarshilik dushanba kuni kechqurun Livanning bosib olingan Kfar Shuba tepaliklaridagi Isroil armiyasining Ruvaysat al-Olam hududini nishonga olib, o‘zini-o‘zi mudofaa qilish uchun dastlabki javob harakatini boshladi", — deyiladi bayonotda.
Qayd etilishicha, ularning harakatlari “Isroil dushmani tomonidan o‘t ochishni to‘xtatish bo‘yicha kelishuvning bir necha bor buzilishiga” javob bo‘lgan. Xususan, harakatga ko‘ra, Isroil armiyasi dushanba kuni “Livan janubi va Bekaa vodiysida hujumlarni kuchaytirdi, natijada bir kishi halok bo‘ldi, yana ikki kishi yaralandi”.
Britaniya rekord miqdordagi askarini yo‘qotdi
AQSh Ukrainaning Rossiya hujumini to‘xtata olmasligini e’lon qildi
G‘arb Rossiyaning Ukrainadagi g‘alaba yo‘lini e’lon qildi
