Engil va yuk mashinasining to‘qnashuvi natijasida kamida 8 kishi, jumladan bir bola halok bo‘lgan. “Report” NDTV telekanaliga tayanib, voqea yakshanbaga o‘tar kechasi Uttar-Pradesh shtatining Bareyli-Nainital trassasida sodir bo‘lganini xabar qildi.
Polisiya ma’lumotlariga ko‘ra, qarindoshining to‘yiga ketayotgan yetti nafar kattalar va bir bolani olib ketayotgan avtomobil yo‘lning qarama-qarshi tomoniga chiqib, yuk mashinasi bilan to‘qnashib ketgan. Natijada avtomobil yonib ketgan, to‘qnashuv natijasida eshiklar ochilmaydigan ahvolga tushgan, ularni ochish va odamlarni qutqarib qolishning imkoni bo‘lmagan.
Yuk mashinasi haydovchisi jarohatlangan.
Hozirda holat yuzasidan surishtiruv ishlari olib borilmoqda.
