Hindiston huquq-tartibot idoralari soxta kriket ligasini yaratib, soxta o‘yinlar natijalariga garovlarni qabul qilgan bir guruh firibgarlarni qo‘lga oldi, deb xabar bermoqda India Today nashri.
Liga rossiyaliklar uchun yaratildi, ular pul tikish uchun Telegramda maxsus kanal ochishdi. Tikishda Moskva, Voronej va Tver aholisi ishtirok etdi.
Liganing "o‘yinlari" You Tube kanalida namoyish etildi, buning uchun tashkilotchilar kichik qishloqlardan birida fermani tozalab, kriket maydoni qurdilar. Ushbu qishloq aholisi pul evaziga o‘yinchi sifatida harakat qilishdi va translyasiya paytida hissiy fon Internetdan yuklab olingan olomon shovqini bilan qo‘llab-quvvatlandi, deyiladi xabarda.
Turnir chorak final bosqichiga yetib kelganida polisiya firibgarlarni qo‘lga oldi. Hozirgacha to‘rt kishi hibsga olingan. Rossiyada bo‘lganida jarayonni muvofiqlashtirgan tashkilotchi qidirilmoqda.
