Hindiston Rossiya qurollarini rad etmoqda

Hindiston Rossiya qurollarini xarid qilishni keskin kamaytirdi va G‘arb ishlab chiqaruvchilaridan tobora ko‘proq xarid qilmoqda, deb yozadi Bloomberg rasmiylarga tayanib.

Vaziyatdan xabardor hindistonlik yuqori martabali amaldorlarning aytishicha, Hindiston va Rossiyaning birgalikda vertolyotlar va ilg‘or qiruvchi samolyotlarni ishlab chiqish va ishlab chiqarish rejalari bir muncha vaqt oldin to‘xtatilgan. Ularning so‘zlariga ko‘ra, Hindiston ekipajini tayyorlash uchun Rossiyadan yadroviy suv osti kemasini ijaraga berish taklifi ham amalga oshishi dargumon, ayniqsa, oktyabr oyida hukumat mustaqil ravishda ikkita atom suv osti kemasini qurishga qaror qilgan.

Ukrainadagi urushdan oldin buyurtma qilingan ikkita harbiy kema va raketaga qarshi mudofaa batareyalari Hindistonning Rossiyadan olish uchun qolgan yagona tovarlari.

Rossiya uskunalari G‘arb uskunalariga qaraganda arzonroq, lekin tez-tez ta’mirlashni talab qiladi, bu esa uzoq muddatda qimmatroq va harbiylar uchun kamroq ma’qul bo‘ladi, dedi Bloomberg agentligiga yana bir yuqori martabali hind rasmiysi.

«Hindiston asta-sekin G‘arb qurol platformalariga o‘tmoqda, chunki armiya bunday texnologiyalar bilan qulayroq bo‘lib bormoqda», deydi London qirollik kolleji katta o‘qituvchisi, Hindiston mudofaasi va tashqi siyosatiga ixtisoslashgan Anit Mukherji.