Haydovchilar uch xil hujjatni ko‘rsatish majburiyatidan ozod bo‘ladi

Hukumat qarori bilan, 2021 yil 1 sentyabrdan boshlab, haydovchilardan quyidagi hujjatlarni talab qilish taqiqlanadi:

• transportni boshqarish uchun ishonchnoma (notarial tartibda tasdiqlangan);
• avtomobil texnik ko‘rikdan o‘tkazilgani to‘g‘risidagi ma’lumot;
• «tonirovka» ruxsatnomasi.

Ushbu hujjatlar elektron shaklga o‘tkaziladi.

Bu – 4 may kuni qabul qilingan «Yo‘l harakati xavfsizligi sohasida davlat xizmatlari ko‘rsatish tartib-taomillarini soddalashtirish chora-tadbirlari to‘g‘risida»gi hukumat qarorida nazarda tutilgan.