O‘zbekiston Mudofaa vazirligi harbiylari «Xalqaro armiya o‘yinlari – 2020»ga yetib keldi. Bu haqda Mudofaa vazirligi Axborot va ommaviy kommunikasiyalar departamenti xabar berdi.
Xalqaro armiya o‘yinlariga ketish tayyorgarligi Chirchiq poligonida bo‘lib o‘tdi.
Musobaqaga ketish oldidan mudofaa vaziri general-mayor Bahodir Qurbonov har bir jamoa bilan alohida suhbatlashdi, yo‘l-yo‘riqlar ko‘rsatib, omad tiladi.
Moskva shahriga yetib kelgan, xalqaro armiya o‘yinlarida faqat faxrli o‘rinlarni egallashni maqsad qilgan harbiy xizmatchilar belgilangan hududlarga taqsimlandi, deyiladi xabarda.