Garovdagilarni HAMAS va Isroil o‘rtasida erishilgan kelishuv doirasida ozod qilish rejalashtirilgan. Shuningdek, halok bo‘lgan to‘rt kishining jasadi ham Isroilga topshiriladi, ular payshanba kuni yaqinlariga qaytarilishi rejalashtirilmoqda.
Bu ma’lumotni Isroil bosh vaziri idorasi tasdiqladi. Avvalroq Axios nashri ismi oshkor etilmagan yuqori martabali isroillik manbaga tayanib, ushbu kelishuv haqida xabar bergan edi.
Netanyahu idorasi ma’lumotiga ko‘ra, HAMAS kelishuv shartlariga muvofiq, kelasi hafta yana to‘rt nafar asirning jasadini Isroilga topshirishi kerak.
Isroil va HAMAS o‘rtasidagi kelishuvning birinchi bosqichi doirasida ozod qilinishi kerak bo‘lgan 33 nafar asirdan 19 nafari allaqachon ozod qilingan. Isroil ma’lumotiga ko‘ra, XAMAS tomonidan garovda ushlab turilganlardan sakkiz nafari halok bo‘lgan. Kelishuvga muvofiq Isroil qamoqhonalaridan 1904 nafar falastinlik ozod qilinishi kerak.
Shu haftada Isroil HAMAS bilan kelishuvning ikkinchi bosqichi bo‘yicha bilvosita muzokaralarni boshlashga tayyorlanayotgan edi. The Times of Israel ma’lumotiga ko‘ra, 15 fevral holatiga ko‘ra, HAMAS tomonidan asirga olingan 251 kishidan 70 nafari hali ham G‘azo sektorida qolmoqda. SAXAL asirga olinganlardan kamida 34 nafari halok bo‘lgani tasdiqlangan.
Dahshat! Vafot etgan 88 yoshli ayol tobutda hushiga keldi
Zelenskiy Klichkoning so‘zlaridan so‘ng jiddiy ogohlantirish yubordi
BAA bosh murabbiyi muxlislarga murojaat bilan chiqdi
