HAMAS rahbari tirik va aloqaga chiqdi

Falastinning HAMAS harakati Siyosiy byurosi rahbari Yahyo Sinvar tirik va uzoq sukutdan keyin aloqaga chiqdi.

Bu haqda Walla portali xabar berdi.

Portalning Isroil rasmiylari orasidagi suhbatdoshiga ko‘ra, Sinvar so‘nggi kunlarda Qatardagi Xamas vakillari bilan aloqalarni tiklagan va ularga xabarlar yetkazgan. Manbaning ta’kidlashicha, XAMAS yetakchisi xabarlarni aynan qachon yuborgani noma’lum, biroq uning xabarlari G‘azo sektorida garovga olinganlarni ozod qilish bo‘yicha muzokaralar bo‘yicha pozisiyasi yumshatilganini ko‘rsatmasligini ta’kidlagan.

Wallaning ta’kidlashicha, Sinvar "uzoq tanaffusdan keyin" Qatar bilan aloqalarni qayta tiklagan. Oxirgi haftalarda portalning xavfsizlik manbalari XAMAS yetakchisi "e’tibordan chetda" ekanini ta’kidlab, u "Hizbulloh" bosh kotibi Hasan Nasrulloning Beyrutdagi havo hujumida o‘ldirilganidan keyin ham hech qanday xabar yubormaganini ta’kidladi.