Guterrish AQSh va Isroilni darhol urushni to‘xtatishga chaqirdi

BMT Bosh kotibi Antoniu Guterrish Qo‘shma Shtatlar, Isroil va Eronni darhol harbiy harakatlarni to‘xtatishga va diplomatiyaga qaytishga chaqirdi.

Guterrish bu haqda Nyu-Yorkda jurnalistlar bilan suhbatda aytib o‘tdi.

Uning so‘zlariga ko‘ra, Qo‘shma Shtatlar va Isroil uchun keng ko‘lamli insoniy azob-uqubatlarga sabab bo‘layotgan va allaqachon jiddiy iqtisodiy oqibatlarga olib kelayotgan harbiy harakatlarni to‘xtatish vaqti keldi. Shuningdek, u Eronni qo‘shni davlatlarga hujumlardan tiyilishga chaqirdi.

Guterresh mojarolar o‘z-o‘zidan tugamasligini ta’kidladi; ular faqat rahbarlar vayronagarchilik o‘rniga muloqotni tanlaganlarida tugaydi: "Bu tanlov hali ham mavjud va u hozir amalga oshirilishi kerak".

BMT Bosh kotibi shuningdek, mojaroning barcha tomonlari bilan aloqani saqlab qolish uchun o‘zining shaxsiy elchisi Jan Arnoni mintaqaga yuborganini e’lon qildi.

U yanada avj olish xavfi haqida ogohlantirib, dunyo butun Yaqin Sharqni qamrab olishi va global oqibatlarga olib kelishi mumkin bo‘lgan katta urush yoqasida turganini ta’kidladi.

"Biz Yaqin Sharqni qamrab oladigan va butun dunyo bo‘ylab dramatik oqibatlarga olib keladigan kattaroq urush yoqasida turibmiz. Mojaro allaqachon hamma joyda sezilmoqda. Navigasiya erkinligini to‘sishning oqibatlariga qarang", dedi Guterresh.