Gruziyada motam e’lon qilindi

Gruziya bosh vaziri Irakliy Kobaxidze tomonidan imzolangan farmonga ko‘ra, 9 yanvar mamlakatda motam kuni deb e’lon qilindi.

Qaror Gal tumanidagi Saberio qishlog‘ida sodir bo‘lgan yong‘inda besh bolaning fojiali halok bo‘lishi bilan bog‘liq.

Hodisa yong‘inga ehtiyotsizlik bilan munosabatda bo‘lish natijasida sodir bo‘lgan. Yong‘in natijasida qishloqdagi yog‘och uy butunlay kulga aylangan. Yong‘inda besh nafar yosh bola halok bo‘ldi.

Rasmiy ma’lumotlarga ko‘ra, marhum bolalarning dafn marosimi ertaga o‘tkaziladi.

Motam kuni mamlakatdagi davlat muassasalarida bayroqlar tushiriladi va ko‘plab tadbirlar ortga suriladi. Gruziya hukumati fuqarolarni birdamlikka va muhtoj oilalarni qo‘llab-quvvatlashga chaqirdi.