Gollivudda “Oskar” nomzodlari e’lon qilindi

22 yanvarda Gollivudda 98-chi “Oskar” mukofotiga nomzodlar ro‘yxati e’lon qilindi. Bu yil kinoakademiya 24 ta nominasiya bo‘yicha mukofotlarni topshiradi. Ularning har birida an’anaviy ravishda o‘nta filmni o‘z ichiga olgan asosiy “Eng yaxshi film” nominasiyasidan tashqari, beshta nomzod bor, deb xabar beradi DW.

Mukofotlash marosimi 2026 yil 15 martda Los-Anjelesdagi Dolby Theatreda bo‘lib o‘tadi va 200 dan ortiq mamlakatlarda jonli efirda namoyish etiladi.

"Eng yaxshi film" nominasiyasi uchun o‘nta film kurash olib bormoqda:

1. «Bugoniya» («Bugonia») — rejissyor Yorgos Lantimos
2. "Formula 1" (F1) — rejissyor Jozef Kosinski
3. «Frankenshteyn» » («Frankenstein») — rejissyor Gilyermo del Toro
4. «Hamnet» («Hamnet») — rejissyor Xloya Chjao
5. "Ajoyib Marti" («Marty Supreme») — rejissyor Josh Safdi
6. "Jangma-jang"— rejissyor Pol Tomas Anderson
7. "Maxfiy agent" («The Secret Agent») - rejissyor Kleber Mendonsa Filyo
8. "Sentimental qadriyat" («Sentimental Value»)— rejissyor Yoakim Triyer
9. "Gunohkorlar" («Sinners») — rejissyor Rayan Kugler
10. "Orzu poyezdlari" (“Train Dreams”)— rejissyor Klint Bentli

"Eng yaxshi rejissyor" nominasiyasi uchun nomzodlar:

1. «Hamnet» («Hamnet») — rejissyor Xloya Chjao
2. "Ajoyib Marti" («Marty Supreme») — rejissyor Josh Safdi
3. "Jangma-jang"— rejissyor Pol Tomas Anderson
4. "Sentimental qadriyat" («Sentimental Value»)— rejissyor Yoakim Triyer
5. "Gunohkorlar" («Sinners») — rejissyor Rayan Kugler

«Eng yaxshi hujjatli film» mukofoti uchun kurashadigan filmlar orasida «Alabama qarori» («The Alabama Solution») — rejissyori Endryu Djareki, «Meni yaxshi tomondan ko‘r» («Come See Me in the Good Light») — rejissyori Rayan Uayt, «Qoyalar orasidan yo‘l ochib» («Cutting Through Rocks») — rejissyori Sara Xaki, «Mukammal qo‘shni» («The Perfect Neighbor») — rejissyori Gita Gandbir) va boshqa filmlar bor.

Rejissyor Rayan Kuglerning «Gunohkorlar» («Sinners») filmi nominasiyalar soni bo‘yicha mutlaq yetakchi bo‘ldi — 16 ta nominasiya! Amerika kinoakademiyasi tarixida boshqa hech bir film bunchalik ko‘p mukofotga nomzod bo‘lmagan.

Bundan tashqari, nominasiyalar soni bo‘yicha yetakchi bo‘lgan boshqa filmlar qatorida «Jangma-jang», «Eng yaxshi film» va «Eng yaxshi xorijiy tildagi film» nominasiyalarida mukofotga da’vogar «Sentimental qadriyatt», «Gunohkorlar» hamda «Ajoyib Marti» filmlari ham bor.

“Oskar” yangiliklari

Bu yilgi yangi "Eng yaxshi aktyorlar tanlovi" nominasiyasi alohida e’tiborni tortmoqda. Akademiya aktyorlar va aktrisalarni tanlash filmning muvaffaqiyatida muhim rol o‘ynashini ta’kidlaydi va "Eng yaxshi film" nominasiyasiga nomzodlarning aksariyati ushbu nominasiyada nomzod bo‘lishi kutilmoqda.

Bu mavsumning yana bir xususiyati - ovoz berish qoidalarining qattiqlashishi. Akademiya a’zolari o‘zlari ovoz bergan filmlarni haqiqatan ham ko‘rganliklarini tasdiqlashlari kerak. Tashkilotchilarning fikriga ko‘ra, bu jarayon yanada shaffof bo‘lishi kerak.