Germaniyada mahalliy saylovlar oldidan vafot etgan nomzodlari soni yetti nafarga yetdi

Shimoliy Reyn-Vestfaliyada mahalliy saylovlarga qisqa vaqt qolganda vafot etgan Germaniya uchun muqobil (AfD) nomzodlari soni yetti nafarga yetdi.

Bu haqda Die Welt nashri xabar bermoqda.

Nashrning yozishicha, partiyadan saylovda ishtirok etishi kerak bo‘lgan yetti nafar nomzod vafot etgan. Ular orasida 80 yoshli Xans-Yoaxim Kind ham bor, u Remshaydning Kremenxall tumanidagi bir mandatli saylov okrugidan nomzodi ilgari surilgan. Erkak uzoq davom etgan kasallikdan so‘ng tabiiy sabablarga ko‘ra vafot etgan.

"Endi Kremenxallda saylov byulletenlari ham qayta chop etilishi kerak va sirtdan ovoz bergan saylovchilar yana ovoz berishi kerak", deyiladi maqolada.

Jurnalistlarning ta’kidlashicha, siyosatchilarning o‘limi zo‘ravonlik bilan sodir bo‘lganligining belgilari yo‘q.

Avvalroq olti kishi halok bo‘lgani xabar qilingandi.