Germaniyaning Gannover yaqinidagi Vunstorf harbiy aerodromi yonida dron quladi. Apparat aniqlanganidan so‘ng polisiya harbiy ob’ekt atrofida keng ko‘lamli operasiya boshladi.
Hodisa joyiga ko‘plab polisiya xodimlari va boshqa favqulodda xizmatlar yetib keldi. Dron qulagan hudud ko‘zdan kechirilib, uning kelib chiqishi va voqea tafsilotlarini aniqlash ishlari olib borildi.
Vunstorf Bundesver uchun alohida ahamiyatga ega. U yerdagi aerodromda Germaniya Qurolli kuchlarining harbiy-transport aviasiyasi joylashgan. Shuning uchun harbiy ob’ektning bevosita yaqinida dron paydo bo‘lishi huquqni muhofaza qiluvchi organlarning jiddiy e’tiborini tortdi.
Hozircha dronni kim uchirgani va uning aerodrom yaqinida paydo bo‘lishi ataylab qilingan-qilinmagani ma’lum emas.
Polisiya hodisa bo‘yicha tergovni davom ettirmoqda.
"SI shu o‘n yillik oxiriga kelib barchamizni o‘ldirishi mumkin"
AQSh Eronda qulagan F-15E uchuvchilarini evakuasiya qilish operasiyasi kadrlarini maxfiylikdan chiqardi
Boshlang‘ich sinf qizlari uchun hijobni taqishni taqiqlash taklif qilinmoqda
