Германиянинг Ганновер яқинидаги Вунсторф ҳарбий аэродроми ёнида дрон қулади. Аппарат аниқланганидан сўнг полиция ҳарбий объект атрофида кенг кўламли операция бошлади.
Ҳодиса жойига кўплаб полиция ходимлари ва бошқа фавқулодда хизматлар етиб келди. Дрон қулаган ҳудуд кўздан кечирилиб, унинг келиб чиқиши ва воқеа тафсилотларини аниқлаш ишлари олиб борилди.
Вунсторф Бундесвер учун алоҳида аҳамиятга эга. У ердаги аэродромда Германия Қуролли кучларининг ҳарбий-транспорт авиацияси жойлашган. Шунинг учун ҳарбий объектнинг бевосита яқинида дрон пайдо бўлиши ҳуқуқни муҳофаза қилувчи органларнинг жиддий эътиборини тортди.
Ҳозирча дронни ким учиргани ва унинг аэродром яқинида пайдо бўлиши атайлаб қилинган-қилинмагани маълум эмас.
Полиция ҳодиса бўйича терговни давом эттирмоқда.
"СИ шу ўн йиллик охирига келиб барчамизни ўлдириши мумкин"
АҚШ Эронда қулаган F-15E учувчиларини эвакуация қилиш операцияси кадрларини махфийликдан чиқарди
Бошланғич синф қизлари учун ҳижобни тақишни тақиқлаш таклиф қилинмоқда
