Germaniya razvedkasiga mamlakatning Kiyevdagi elchisi rahbarlik qiladi – Der Spiegel

Nashrning yozishicha, Fridrix Mers Germaniya Federal razvedka xizmati (BND) rahbarini o‘zgartirmoqda. Tuzilmaning yangi prezidenti lavozimiga hozirda Germaniyaning Kiyevdagi elchisi sifatida faoliyat yuritayotgan Martin Eger tayinlanadi.

Der Spiegel manbalarining ma’lum qilishicha, razvedka xizmatining amaldagi rahbari Bruno Kal Vatikanga elchi etib yuboriladi.

Germaniya hukumati hozircha bu o‘zgarishlarni rasman tasdiqlamagan bo‘lsa-da, Der Spiegel ma’lumotlariga ko‘ra, kansler idorasida allaqchon qaror qabul qilingan.

"Bundan tashqari, hukumat BND'ga ajratilayotgan mablag‘larni oshirishni va razvedka xizmatiga “ko‘proq erkinlik” berish niyatida", deb yozadi Der Spiegel.