Gazoda bolalar ovqati tanqisligi yangi tug‘ilgan chaqaloqlar hayotiga tahdid solmoqda

Isroil 2 martdan buyon G‘azo sektoridagi barcha quruqlik orqali o‘tish nuqtalarini yopib qo‘yganidan so‘ng, hududda bolalar ovqati tanqisligi kuchayib, bu holat yangi tug‘ilgan, ayniqsa, noto‘liq tug‘ilgan chaqaloqlar hayotiga jiddiy tahdid solmoqda.

19 iyun kuni G‘azo sektoridagi «Rantisi» va «Naser» shifoxonalari rahbariyati bolalar ovqati zaxirasi tugayotganini ma’lum qilib, yaqin 48 soat ichida zarur yordam ko‘rsatilmasa, bolalar halok bo‘lishi mumkinligidan ogohlantirishdi.

20 iyun kuni BMT Bosh kotibi matbuot kotibi Stefan Dyujarrik, Gazoda noto‘yin ovqatlanishdan aziyat chekayotgan bolalar soni xavotirli darajada oshib borayotganini bildirdi. Unga ko‘ra, faqatgina may oyida 6 oydan 5 yoshgacha bo‘lgan 5,1 ming bola og‘ir ovqatsizlik tufayli shifoxonaga yotqizilgan.

Shu va shunga o‘xshash ko‘plab ogohlantirish va xalqaro hamjamiyatdan yordam so‘rovlariga qaramay, G‘azodagi vaziyat o‘zgarishsiz qolmoqda.

So‘nggi ma’lumotlarga ko‘ra, «Naser» shahar shifoxonasida yana ikki chaqaloq vafot etdi.

"Anadolu" agentligi muxbiri G‘azo shahridagi «Al-Xulu» xalqaro shifoxonasi yangi tug‘ilgan chaqaloqlar uchun intensiv terapiya bo‘limi rahbari Naser Byulbyul bilan suhbatda bo‘ldi. Uning so‘zlariga ko‘ra, urushayotgan vaziyat tufayli onalar yetarli ovqat ola olmayapti va bu noto‘liq tug‘ilish holatlarini ko‘paytirmoqda. «Bizda 12 ta inkubator bor, ammo bemor chaqaloqlar soni 17–20 nafargacha yetib bormoqda», — dedi u.

Gazo shahrida yashovchi bir ayolning so‘zlariga ko‘ra, uning qizalog‘i 7 oylik homiladorlikda tug‘ilgan va vazni atigi 570 gramm bo‘lgan. «U bir oy inkubatorida bo‘ldi. Hozirda u 1,5 kilogramm bo‘ldi. Dastlab shifokorlar uning yashab qolishiga shubha qilishgan edi. Ular uning tirik qolganiga hayratlanishdi», — deydi u.