G7 davlatlari yetakchilari va Ukraina prezidenti NATOning Vilnyusdagi sammiti yakunida Ukrainaga G7 davlatlaridan harbiy yordam va xavfsizlik kafolatlari haqidagi deklarasiyani imzolaganliklarini ma’lum qildi.
Deklarasiyada “Katta yettilik” mamlakatlari uzoq muddatli ikki tomonlama kelishuvlar asosida Ukrainaning mudofaa qobiliyati va xavfsizligini ta’minlash majburiyatini o‘z zimmasiga olishi qayd etilgan.
Vilnyusdagi BBC muxbirining xabar berishicha, Vladimir Zelenskiy Ukraina delegasiyasi “xavfsizlik bo‘yicha muhim g‘alabaga erishmoqda”.
“Bu bizning xavfsizligimizni ta’minlash uchun mutlaqo yangi imkoniyatlar beradi”, dedi Zelenskiy.
