2 noyabr kuni surunkali yog‘ingarchiliklar oqibatida Qashqadaryo viloyatining Kitob, Qamashi, G‘uzor va Dehqonobod tumanlaridagi ariqlar, lotoklar va boshqa suv o‘tkazish inshootlaridan yig‘ilgan yomg‘ir suvlarining toshib chiqishi bilan bog‘liq hodisalar yuzaga kelgan.
Kuchli yomg‘irlar yog‘ishi tufayli to‘plangan suvlar sel yo‘lidan o‘z oqimi bo‘ylab oqib o‘tgan. Aholi va xonadonlarga ziyon yetmagan.
FVVning ma’lum qilishicha, viloyat Favqulodda vaziyatlar boshqarmasi hamda tegishli organlar tomonidan yog‘ingarchilik oqibatlarini bartaraf etish chora-tadbirlari olib borilmoqda.
