Futbol munosabati bilan Toshkentdagi ayrim ko‘chalar vaqtincha yopiladi

Chilonzor tumanining ayrim ko‘chalarida soat 17:00 dan soat 23:30 gacha bo‘lgan vaqt oralig‘ida avtotransport vositalari harakati vaqtinchalik cheklanadi.

Bu haqda poytaxt IIBB xabar berdi.

Bunga O‘zbekiston va Qirg‘iziston terma jamoalari o‘rtasidagi o‘yin o‘tkazilishi sabab bo‘ladi. Ushbu ko‘chalar:

• Chilonzor va Cho‘ponota ko‘chalari chorrahasidan, Cho‘ponota ko‘chasi bo‘ylab, Cho‘ponota Qatortol ko‘chalari kesishgan chorrahasigacha bo‘lgan qismi;
• Bunyodkor ikkinchi darajali ko‘chasidan - Cho‘ponota ko‘chasigacha bo‘lgan qismi.

Haydovchilardan aylanma yo‘llardan foydalanish tavsiya etilgan.