Bosh prokuratura huzuridagi Departamentning Yangiyo‘l tuman bo‘limi tomonidan o‘tkazilgan tezkor tadbirda, “S.T.” MCHJ maslahatchisi G.I. fuqaro J.ni Germaniya davlatiga ishga jo‘natish va hujjatlarini rasmiylashtirib berishi evaziga 1 500 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.