Kecha Forbes jurnali tomonidan e’lon qilingan dunyoning eng boy insonlari reytingida o‘tgan yili Rossiya vakillari sifatida qayd etilgan 24 biznesmen endilikda boshqa davlatlar vakili sifatida ko‘rsatilgani ma’lum bo‘lgan edi.
“Agentstvo” nashriga ko‘ra, 2 aprel kuni kechasi ro‘yxat o‘zgartirilgan va ilgari Shveysariya, Isroil, Buyuk Britaniya, Monako va boshqa davlatlarga tegishli deb ko‘rsatilgan biznesmenlar yana Rossiya fuqarolari sifatida qayd etildi.
Jumladan, asli o‘zbekistonlik, lekin Rossiya fuqaroligiga ega Alisher Usmonov O‘zbekiston vakili sifatida qayd etilgan edi. Hozirda Alisher Usmonov Forbes ro‘yxatida yana Rossiya fuqarosi sifatida ko‘rsatilgan.
“Agentstvo”ning taxminicha, Forbes avval tadbirkorlarni ularning rezidentligi bo‘yicha ajratgan, keyinchalik esa fuqaroligi asosida tasniflashga o‘tgan. Forbes ushbu o‘zgarish yuzasidan hech qanday izoh bermadi.
Quvayt endi Eronga oshkora va’da berdi
Chernobil hayvonlarida kutilmagan superqobiliyatlar aniqlandi
Endilikda 11,25 mln so‘mdan yuqori pul o‘tkazmalari qat’iy nazoratda bo‘ladi
