Feodosiyadagi neft omborida yana bir tank portladi. Neft omborida Ukraina dronlari zarbasi oqibatida chiqqan yong‘in to‘rt sutkadan buyon davom etmoqda.
Qrim hududidagi Feodosiya neft omboridagi yong‘in 4 sutkadan buyon davom etmoqda. Xabar qilinishicha, kecha tunda neft omborida yana bir tank portlagan. Ijtimoiy tarmoq foydalanuvchilari kuchli portlash vaqtida olingan video va fotosuratlarini tarqatmoqda.
Rossiya tomonidan tayinlangan Qrim rahbari Sergey Aksenov Feodosiyada “yong‘in tufayli terminallardan birida yonuvchi materiallar ajralib chiqqanini” ma’lum qildi.
Shuningdek, u neft ombori “ixtisoslashtirilgan xizmatlar xodimlari bilan o‘ralgani va evakuasiya zonasi kengaymasligini” qo‘shimcha qildi.
Rossiya rasmiylari bir kun avval neft ombori atrofidagi hududdan 1137 kishi evakuasiya qilingani haqida xabar bergan edi.
Feodosiyadagi dengiz neft terminaliga Ukraina dronlari 7 oktyabrga o‘tar kechasi urilgan. Terminalda turli o‘lchamdagi 30 dan ortiq tanklar mavjud edi.
Ukraina dushman uchun «Jahannam» tayyorladi
Rossiya Ukrainadan yerlarini qaytarib olganini e’lon qildi
Qo‘shma Shtatlar Rossiyaga qarshi bayonot bilan chiqdi
