Fayzullayevning murabbiyi: "Abbos o‘zi uchun to‘g‘ri qaror qabul qiladi"

SSKA yarim himoyachisi Abbos Fayzullayevning birinchi murabbiyi Dmitriy An futbolchi faoliyatini davom ettirish borasida to‘g‘ri qaror qabul qilishiga ishonmoqda.

Avvalroq Fayzullayevga Turkiyaning "Istanbul Bashakshehir" klubi qiziqish bildirayotgani haqida xabarlar tarqalgandi.

"Ichki ovoz Abbosga kelajagi bo‘yicha qanday qarorga kelishi kerakligini aytadi. Biz hozirda vaziyatni to‘liq bilmaymiz, SSKAga ham yangi murabbiy keldi. Biroq Fayzullayev o‘zi uchun to‘g‘ri qaror qabul qiladi deb o‘ylayman. Shu bilan birga, men Abbosni yaxshi bilaman. Biz ko‘p marta uchrashganmiz va u SSKA haqida juda iliq fikrda. Shuning uchun u klub muxlislari yoki rahbariyatini xafa qiladigan qaror qabul qilmasligiga ishonchim komil", – dedi An.