Aktrisa Farangiz Rejametovani urib yuborgan haydovchiga nisbatan uy qamog‘i shaklidagi cheklov chorasi qo‘llanildi. Bu haqda "daryo.uz" xabar bermoqda.
Uning uydan chiqishi, ma’lum shaxslar bilan aloqa qilishi, xat-xabar olishi, aloqa vositalari yordamida muzokaralar olib borishi cheklandi.
Jinoiy ishlar bo‘yicha Mirzo Ulug‘bek tuman sudi tuman prokuraturasining iltimosini qondirib, JKning 266-moddasi 2-bandi bo‘yicha ayblanayotgan haydovchiga cheklov chorasi qo‘lladi, deyiladi xabarda.
Eslatib o‘tamiz, Zulfiqor Musoqovning «Oyijon» filmidagi bosh rol ijrochisi, aktrisa Fotima Rejametovaning qizi Farangiz Rejametova (Jamolxonova) 20 iyul kuni yo‘l-transport hodisasi oqibatida halok bo‘lgan edi.
