Evropada tinchlik va barqarorlikka faqat Rossiya bilan hamkorlik orqali erishish mumkin, unga qarshi kurashish orqali emas. Bu haqda Germaniya harbiy-dengiz kuchlarining sobiq qo‘mondoni Kay-Axim Shyonbax Berliner Zeitung nashriga bergan intervyusida ma’lum qildi.
Uning ta’kidlashicha, “Evropada tinchlikka Rossiya bilan birga erishiladi, unga qarshi emas” degan tamoyil bugungi kunda ham dolzarbligini saqlab qolmoqda va u Rossiya—Ukraina urushi sharoitida ham muhim ahamiyat kasb etadi.
Shyonbaxning fikricha, Ukrainadagi mojaro butun Yevropaning Rossiya bilan to‘g‘ridan-to‘g‘ri qarama-qarshiligi sifatida qabul qilinmasligi kerak.
“Men Germaniya va Yevropa Ittifoqi BMT Nizomiga muvofiq hujumga uchragan davlatni qo‘llab-quvvatlash chegarasidan chiqib ketib, go‘yo uyquda yurgan odamdek asta-sekin urushparast rolga o‘tib qolishidan qattiq xavotirdaman”, — dedi sobiq admiral.
Uning bayonoti Yevropa davlatlarining Ukrainaga harbiy yordam ko‘rsatishi va Rossiya bilan munosabatlar bo‘yicha davom etayotgan bahslar fonida yangradi. Shyonbax Yevropa xavfsizligi arxitekturasini Rossiya ishtirokisiz tasavvur qilish qiyinligini ta’kidladi.
47°C issiqlikda tong ham, tun ham yo‘q: Hindistonning eng issiq hududida bir kun
Jaloliddin Masharipov terma jamoa qaydnomasidan chiqarilmoqda
Timmi ismli kit bioyoqilg‘iga aylanadi
