Evropa Ittifoqi Gruziyada “xorijiy agentlar” qonuni qabul qilingan taqdirda yuzaga kelishi mumkin bo‘lgan javob choralarini ko‘rib chiqishni boshladi.
Bu haqda Yevropa Ittifoqi diplomatiyasi rahbari Jozep Borrel ma’lum qildi.
"Biz Gruziyada “Chet el ta’sirining shaffofligi to‘g‘risida”gi qonun qabul qilinishiga nisbatan Yevropa Ittifoqining eng to‘g‘ri javobini ko‘rib chiqishni boshladik", — deya ta’kidladi Yevropa diplomatiyasi rahbari matbuot anjumani chog‘ida.
Borrell nafaqat Gruziyada, balki butun dunyoda Yevropa Ittifoqi qadriyatlari, xalqaro huquq va Yevropa tamoyillariga zid bo‘lgan voqealar sodir bo‘lganda Ittifoq chora ko‘rishga tayyor bo‘lishini bildirdi.
