Adliya vazirligi tomonidan huquq egasining murojaati asosida “Evro-2024” futbol musobaqalari Telegram ijtimoiy tarmog‘ining “ASL FUTBOL (LIVE)” kanalida huquq egasi yoki boshqa vakolatli shaxsning ruxsatisiz barchaning e’tiboriga yetkazilganligi aniqlandi. Bu haqda Adliya vazirligi matbuot xizmati xabar qildi.
Holat yuzasidan kanal adminiga nisbatan Ma’muriy javobgarlik to‘g‘risidagi kodeksning 177(1)-moddasi bilan ma’muriy huquqbuzarlik to‘g‘risidagi bayonnoma rasmiylashtirilib, tegishli sudga yuborildi.
Sud qaroriga ko‘ra huquqbuzarga nisbatan jarima jazosi tayinlandi.
Mualliflik va turdosh huquq obektlaridan huquq egasining ruxsatisiz, noqonuniy ravishda foydalanish javobgarlikka sabab bo‘lishi to‘g‘risida ogohlantiramiz.
Hurmatli fuqarolar, agarda sizning mualliflik yoki turdosh huquqlaringiz buzilayotgan bo‘lsa, huquqlaringizni himoya qilish uchun Adliya vazirligiga murojaat qiling.
Ukrainalik bokschi Aleksandr Usik Krakov aeroportida qo‘lga olindi
Qonunchilik palatasi eshakni «iste’mol go‘shti olinadigan hayvonlar» qatoriga qo‘shdi
Qurolsiz ukrainalik askar qilich bilan qatl qilindi
