Ertaga Toshkentning 4 ta tumanida gaz ta’minoti vaqtincha to‘xtatiladi

Toshkentning 4 ta tumani: Yashnobod, Mirobod, Bektemir va Uchtepa tumanlarining ayrim joylarida gaz ta’minoti vaqtincha to‘xtatiladi. Bu haqda “Hududgaz Poytaxt” gaz ta’minoti filiali axborot xizmati xabar berdi.

Xabarga ko‘ra, ta’mirlash ishlari sababli ertaga Yashnobod, Mirobod tumanlarining ayrim joylarida tabiiy gaz ta’minoti vaqtinchalik to‘xtatiladi. Sergeli tumani Beshkent ko‘chasida joylashgan yuqori bosimli gaz taqsimlash punktini ta’mirlash ishlari “Hududgaz Poytaxt” gaz ta’minoti filialining YEOGQX tomonidan amalga oshirish rejalashtirilgan.

Shu tufayli 10 mart kuni soat 10:00 dan 17:00 ga qadar quyidagi tabiiy gaz iste’molchilarida gaz ta’minoti vaqtinchalik to‘xtatiladi. Shundan aholi iste’molchilari:

• Yashnobod tumanida
• 2-Tolariq va Bunyodkor ko‘chalarida gaz bosimi pasayadi;
• Farg‘ona va O‘zBUM ko‘chalaridagi 6 ta ko‘p qavatli uylardagi 160 ta aholi xonadonlarida;
• Farg‘ona yo‘li ko‘chasidagi 20 ta uy xo‘jaligida;
• O‘zBUM ko‘chasi 4 ta ko‘p qavatli uydagi jami 100 ta aholi xonadonlarida;
• “Assalom sohil” mavzesidagi 4 ta ko‘p qavatli uydagi jami 620 ta aholi xonadonlarida;
• “Obod makon” MFYdagi 21 ta ko‘p qavatli uydagi 1 100 ta aholi xonadonida;
• “A.Yassaviy”, “Boysun”, “Ma’rifat”, ”Shirinobod” MFYlari hududidagi 3500 ta aholi xonadonida gaz bosimi pasayadi.
• Mirobod tumani
• “Fayzobod” va “Oq Uy” MFYlaridagi jami 1 300 ta uy xo‘jaliklarida.

Shuningdek, ulgurji iste’molchilar:

• Yuqorida ko‘rsatilgan MFYlar hududidagi maishiy xizmat ko‘rsatish ob’ektlari 56 ta;
• Yashnobod tumani
• Baku ko‘chasida shisha sexi, “Jo‘rabek” MFY hududidagi issiqxona.
• Mirobod tumani
• “Fayziobod” MFY hududidagi muzqaymoq sexi, qog‘oz ishlab chiqarish sexi, “Gofra prodakshn”, “Ruta” oilaviy korxonasi;
• Fayziobod YPX binosi, Marhabo mehmonxonasi;
• Maishiy xizmat ko‘rsatish 2 ta, Temir yo‘l omborxonasi, Bojxona omborxonasi;
• “Oq uy” MFY, Otchopar ko‘chasidagi gaz quyish shoxobchasi AGNKS, 2 dona novvoyxona.

Bundan tashqari, Mirobod tumani Xushnud ko‘chasidagi d-108 millimetrli yuqori bosim gaz quvuriga KI-STG-650/108 rusumli gaz hisoblagich o‘rnatish ishlari “Hududgaz Poytaxt” GTFning “Mirobodtumangaz” gaz ta’minoti bo‘limi tomonidan amalga oshirish rejalashtirilgan. Shu sababli 10 mart kuni soat 10:00 dan 17:00 ga qadar quyidagi tabiiy gaz iste’molchilarida gaz ta’minoti vaqtinchalik to‘xtatiladi. Shundan:

• Mirobod tumanida “Qo‘yliq Ota” MFYdagi jami 300 ta uy xo‘jaligida hamda 10 ta ulgurji iste’molchilarda;
• Bektemir tumani “Nurafshon” MFYdagi jami 70 ta uy xo‘jaligida.

Shu bilan birgalikda, Uchtepa tumani “Foziltepa” MFYdagi gaz bosimini me’yorlash maqsadida, Izza ko‘chasidagi o‘rta bosim gaz quvurlarini halqalash va avariya tiklash ishlari “Hududgaz Poytaxt” GTFning “Uchtepatumangaz” gaz ta’minoti bo‘limi tomonidan amalga oshirish rejalashtirilgan. Shu tufayli 10 mart kuni soat 10:00 dan 15:00 ga qadar tumanning “Foziltepa” MFYdagi jami 220 ta uy xo‘jaligida hamda hududdagi 18 ta ulgurji iste’molchida tabiiy gaz ta’minoti vaqtinchalik to‘xtatiladi.

Qayd etilishicha, ta’mirlash ishlari yakunlangach, tabiiy gaz ta’minoti qayta tiklanadi.

“Etkazilayotgan noqulayliklar uchun Hududgaz Poytaxt gaz ta’minoti filiali iste’molchilardan uzr so‘raydi”, deyiladi xabarda.