Eronning Ho‘rmuz bo‘g‘ozida joylashgan Keshm orolida raketa portlashi sodir bo‘lgani haqida xabar berildi.
Tasnim axborot agentligi ma’lumotiga ko‘ra, hodisa oroldagi Keshm shahri atrofida yuz bergan.
"Bugun soat 18:50 da Keshm shahri yaqinida raketa portladi", — deyiladi agentlik xabarida.
Hozircha portlash oqibatida jabrlanganlar bor-yo‘qligi va ehtimoliy vayronagarchiliklar haqida ma’lumot berilmagan.
Shuningdek, raketaning kelib chiqishi va portlash sabablari ham ochiqlanmagan.