Eronda qashshoqlik kuchaymoqda

Eronda xalqaro sanksiyalar kuchaytirilishi fonida tengsizlik va qashshoqlik kuchaymoqda.

Bu haqda Donya-ye-Eghtesad gazetasi maqolasida ta’kidlangan.

Nashr AQSh Moliya vazirligining 18 dekabrdagi 29 ta neft tankeri va ularni ishlatuvchi kompaniyalarga nisbatan sanksiyalar qo‘llash haqidagi qarorini eslaydi. Bu harakat sanksiyalardan qochish va neft va neft-kimyo mahsulotlarini eksport qilish uchun foydalaniladigan Eronning “soya floti”ga qaratilgan, deya qayd etadi gazeta.

Ushbu chora-tadbirlar, ta’kidlanadi maqolada, Eronning valyuta tushumlarini keskin qisqartiradi va allaqachon inflyasiya, valyuta devalvasiyasi va sotib olish qobiliyati pasayib borayotgan iqtisodiyotga bosimni oshiradi.

"Eronda narxlarning ko‘tarilishi qashshoqlik belgisidir. Ochiq bozorda xorijiy valyuta va oltin narxining keskin o‘sishi qashshoqlikning keng tarqalishidan dalolat beradi va buning natijasida yuzaga kelgan inflyasiya yaqin oylarda eronlik xonadonlarga qo‘shimcha tanglikni keltirib chiqaradi. Faqat o‘tgan yilning o‘zida Eronda oziq-ovqat mahsulotlarining o‘rtacha narxi 66 foizdan ko‘proq oshdi", deyiladi maqolada.

Shuningdek, BMT sanksiyalari qayta kuchga kirgani va Eron rasmiylarining mamlakat yadroviy dasturini davom ettirishni talab qilgan takroriy bayonotlari ortidan inflyasiya bosimi kuchaygani qayd etilgan.