Eron «urushga to‘g‘ridan-to‘g‘ri aralashmaydi»

Eron deputati Ahmad Baxshaish Ardestoniy Eron Rossiyaga qurol yetkazib berayotganini tasdiqladi, garchi bundan 24 soatdan kamroq vaqt oldin Eronning BMTdagi missiyasi Rossiyaga qisqa masofali ballistik raketalarni uzatish haqidagi ayblovlarni rad etgan edi.

Didban Iran'ga bergan intervyusida Ardestani Eron «urushga to‘g‘ridan-to‘g‘ri aralashmaydi», lekin o‘z ehtiyojlarini qondirish uchun Rossiya Federasiyasiga qurol sotishini aytdi.

«Biz o‘z ehtiyojlarimizni qondirish uchun tovarlar savdosiga, jumladan, soya va bug‘doyni import qilishga majburmiz. Barterning bir qismi raketalar yuborishni, boshqa qismi esa Rossiyaga harbiy dronlarni jo‘natishni o‘z ichiga oladi», — dedi Ardestani.

Rossiyaga ballistik raketalarni yuborish Eronga qarshi qo‘shimcha sanksiyalarga olib kelishi mumkinmi, degan savolga javob berar ekan, qonun chiqaruvchi «bu bundan ham battarroq bo‘lishi mumkin emas», dedi.