Eron uranni boyitish huquqidan voz kechmasligini bildirdi

Eron Milliy xavfsizlik oliy kengashi kotibi Ali Akbar Ahmadian Tehron uranni boyitish huquqidan voz kechmasligini aytdi.

Bu haqda RIA Novosti yozmoqda.

"Ommaviy qirg‘in qurollaridan voz kechishni ta’kidlagan holda, Eron yadroviy sohadagi mustaqillik, jumladan, yoqilg‘i aylanishiga egalik qilish va uranni boyitish kabi qonuniy huquqlaridan chekinmaydi," - deya agentlik Milliy xavfsizlik oliy kengashi kotibining so‘zlarini keltirgan.

Ahmadian xalqaro xavfsizlik arxitekturasi barcha mamlakatlar va xalqlarning ishtirokisiz mumkin emasligini ta’kidladi, shuningdek, xavfsizlik hukmronlikdan voz kechish, xalqlar erkinligi va mamlakatlar o‘rtasida teng huquqli munosabatlarni o‘rnatishga asoslanishi kerakligini ta’kidladi.