Eron Trampning da’volarini rad etdi

Eron va Qo‘shma Shtatlar dastlabki kelishuv uchun hech qanday matnga kelishib olishmagan.

Tehronning muzokaralar guruhiga yaqin manba bu haqda Eronning Fars axborot agentligiga ma’lum qilgan.

Manbaning eslatishicha, AQSh prezidenti Donald Tramp ilgari Truth Social ijtimoiy media platformasida Eron dastlabki memorandum matniga eng yuqori darajada rozi bo‘lganini e’lon qilgan edi.

"Bir necha daqiqadan so‘ng u Amerikaning New York Post gazetasiga bergan intervyusida shunga o‘xshash bayonot berdi va matn kelishib olinganini e’lon qildi", deyiladi xabarda.

Manbaning ta’kidlashicha, Trampning bayonotlari Eron va Qo‘shma Shtatlar o‘rtasidagi sulh e’lon qilinganidan beri eng jiddiy to‘qnashuvlardan biri paytida aytilgan.

"Tramp [o‘z bayonotlari bilan] barchani Eron taslim bo‘lganiga ishontirishga niyat qilgan", dedi manba Fars agentligiga.