Эрон Трампнинг даъволарини рад этди

Эрон ва Қўшма Штатлар дастлабки келишув учун ҳеч қандай матнга келишиб олишмаган.

Теҳроннинг музокаралар гуруҳига яқин манба бу ҳақда Эроннинг Fars ахборот агентлигига маълум қилган.

Манбанинг эслатишича, АҚШ президенти Дональд Трамп илгари Truth Social ижтимоий медиа платформасида Эрон дастлабки меморандум матнига энг юқори даражада рози бўлганини эълон қилган эди.

"Бир неча дақиқадан сўнг у Американинг New York Post газетасига берган интервьюсида шунга ўхшаш баёнот берди ва матн келишиб олинганини эълон қилди", дейилади хабарда.

Манбанинг таъкидлашича, Трампнинг баёнотлари Эрон ва Қўшма Штатлар ўртасидаги сулҳ эълон қилинганидан бери энг жиддий тўқнашувлардан бири пайтида айтилган.

"Трамп [ўз баёнотлари билан] барчани Эрон таслим бўлганига ишонтиришга ният қилган", деди манба Fars агентлигига.