Eron tashqi ishlar vaziri: Ular bizning eski do‘stlarimiz

Eron tashqi ishlar vaziri Abbos Aroqchi davlat axborot kanaliga jonli efirda bergan intervyusida Moskva va Pekin Tehronning azaliy do‘stlari ekanini aytdi.

Diplomat Eron barcha davlatlar bilan munosabatlarni muvozanatli rivojlantirishga intilayotganini ta’kidlab, Rossiya va Xitoy bilan yaqinroq aloqalar o‘rnatishga umid bildirdi.

RIA Novosti xabariga ko‘ra, Aroqchi, shuningdek, Eron SHHT va BRIKS kabi mintaqaviy tashkilotlar bilan hamkorlikni rivojlantirishini ta’kidlagan.