Eron Islom inqilobi qo‘riqchilari korpusi harbiy-dengiz kuchlari Fors ko‘rfazida kontrabanda yo‘li bilan 700 ming litrdan ortiq neft olib ketayotgan tankerni qo‘lga oldi.
Bu haqda SEPAH axborotiga tayanib, “Tasnim” agentligi xabar bermoqda.
Qayd etilishicha, 26 iyul kuni Togo bayrog‘i ostida suzib yurgan “Pearl G” tankeri qo‘lga olingan.
Kema bortidagi to‘qqiz nafar ekipaj a’zosining barchasi Hindiston fuqarolari. Agentlikning qayd etishicha, tanker Dubayda yashovchi Iroq fuqarosiga tegishli.