Eron oxirgi yillarda suv sathi pasayib borayotgan Kaspiy dengizining kelajagi haqida xavotirda. Asr oxiriga kelib u 18-19 metrga sayozlashishi mumkin.
Eron atrof-muhitni muhofaza qilish agentligi rahbari Ali Seladjening aytishicha, Kaspiy dengizining sayozlashuvida asosiy aybdor Rossiyadir, u Volgada to‘g‘onlar qurib, suvdan qishloq xo‘jaligi va GESlar uchun foydalanadi. Bundan tashqari, Rossiyaning ko‘plab yirik sanoat zonalari orqali oqib o‘tadigan Volga Kaspiy dengizining asosiy ifloslanish manbasiga aylandi.
To‘g‘ri, boshqa bir mutaxassis Muhammad Darvishning ta’kidlashicha, eronliklar ham Kaspiy dengiziga quyiladigan daryo va soylar yo‘llari bo‘ylab ko‘plab to‘g‘onlar qurgan.
U yoki bu yo‘l bilan eronlik ekspertlar hukumatni Rossiyaga murojaat qilib, Kaspiy dengizini qutqarish bo‘yicha birgalikdagi sa’y-harakatlarni kelishib olishga chaqirmoqda.
