Eron IRQK Isroilga «o‘limga olib keladigan zarbalar» tayyorlamoqda

Eron IRQK (Islom inqilobi gvardiyasi korpusi) bilan bog‘liq manbalar yaqin kelajakda Isroilga qarshi «o‘limga olib keladigan zarbalar» berilishini, bu Eronning Damashqdagi konsulligiga qilingan hujum uchun javob bo‘lishini ta’kidlamoqda.

Isroilning Rossiyadagi elchisi allaqachon Isroil Eron bilan to‘g‘ridan-to‘g‘ri harbiy to‘qnashuvga tayyor ekanligini ma’lum qilgan. Isroil armiyasi havo hujumidan mudofaa bo‘linmalariga zaxira qo‘shinlarini qo‘shimcha chaqirishini e’lon qildi, qo‘shinlar Eronning javob zarbasi uchun shay holatga keldi.