Eron bilan muzokaralarning navbatdagi bosqichi 10-11 may kunlari bo‘lib o‘tishi mumkin

Tehron yadro dasturi bo‘yicha AQSh va Eron muzokaralarining to‘rtinchi raundi shu hafta oxirida, 10-11 may kunlari bo‘lib o‘tishi mumkin.

Bu haqda AQSh prezidentining maxsus vakili Stiven Uitkoff ma’lum qildi.

"AQSh shu hafta oxirida Eron bilan yadroviy muzokaralarning to‘rtinchi raundini o‘tkazish bo‘yicha kelishib olishga harakat qilmoqda”, dedi u. “Agar bu amalga oshmasa, bu faqat AQSh prezidenti Donald Trampning Yaqin Sharqqa safari tufayli bo‘ladi”, — dedi maxsus vakil.

Uning so‘zlariga ko‘ra, Eron bilan muzokaralar ijobiy. "Biz qandaydir yutuqlarga erishmoqdamiz. Umid qilamanki, ular muzokaralarni to‘g‘ri yo‘nalishga olib bormoqdalar. Prezident bu iloji bo‘lsa, diplomatik yo‘l bilan hal qilinishini istaydi, shuning uchun biz ularni harakatga keltirish uchun qo‘limizdan kelganini qilamiz", - dedi Uitkoff.