Erdo‘g‘on: "Muxolifat nima qilsa ham, sog‘lom fikr va xotirjamlikdan chetga chiqmaymiz"

Turkiya prezidenti Rajab Toyyib Erdo‘g‘on muxolifat harakatlariga qaramay, mamlakat rasmiylari sog‘lom fikr, sabr va xotirjamlikka sodiq qolishini aytdi.

Bu haqda Turkiya yetakchisi Adolat va taraqqiyot partiyasi Istanbul bo‘limi tomonidan tashkil etilgan iftorda aytib o‘tdi.

"Bizning munisipalitetlarimiz korrupsiya va adolatsizlik tarafida bo‘lmaydi. Ular nima to‘g‘ri, nima ruxsat va nima man ekanligini tushunib, xalqqa xizmat qiladi. To‘rt kundan beri muholifat odamlarni bir-biriga qarama-qarshi qo‘yish uchun qo‘lidan kelgan barcha ishni qilmoqda", - dedi Erdo‘g‘an.

Uning so‘zlariga ko‘ra, muxolifat o‘zini zaharli pechkadek chigallagan poraxo‘r amaldorlardan tozalanmaguncha o‘zining siyosiy nufuzi va o‘zligini tiklay olmaydi.

"Siyosat va adolatni ko‘cha terrori boshqargan kunlar eski Turkiya bilan birga o‘tmishda qoldi. Mard bo‘lsang, demokratiya ishlasin, qonun ishlasin. Sud tizimi bosimga duchor bo‘lmasdan turk xalqi nomidan qaror qabul qilishi kerak. Turkiyada hech kim qonundan ustun emas", - deya ta’kidladi Turkiya rahbari.