Ertaga, 16 avgustdan boshlab Toshkent metropolitenining yer usti halqa yo‘li yo‘nalishida poyezdlar harakati vaqtincha qisqartiriladi.
Bu haqida “Toshkent metropoliteni” DUK Matbuot xizmati xabar berdi.
“2022 yil 16 avgustdan 5 sentyabrga qadar yo‘llarni ko‘rikdan o‘tkazish va bajaralishi lozim bo‘lgan texnik ishlar sababli “Er usti halqa yo‘li” yo‘nalishida poyezdlar harakati soat 05:00 dan 23:00 gacha amalga oshiriladi”, deyiladi xabarda.
Ma’lumot uchun, Toshkent metropolitenining odatdagi vaqti 05:00dan 00:00 gacha.