Bosh prokuratura huzuridagi Departament hamda DXXning Jizzax viloyati boshqarmalari tomonidan o‘tkazilgan tezkor tadbirda, viloyat Qurilish bosh boshqarmasi nazorat bo‘yicha inspektori SH.D. fuqarolar G‘. va R.ning ishonchiga kirib, ularga tadbirkorlik faoliyati bilan shug‘ullanish uchun parrandachilik kompleksi qurishda tanishlari orqali 22 000 AQSh dollari evaziga Jizzax shahri va Sharof Rashidov tumani hududidan yer maydoni olib berishni va’da qilib, oldindan 10 000 AQSh dollarini olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.