“Epshteyn ishi”ga doir fayllar orasidan Tramp bir ayolni zo‘rlagani haqidagi ma’lumot topildi

Bu haqda The Insider xabar bermoqda.

"Voyaga yetmaganlarni jinsiy ekspluatasiya qilishda ayblangan Jeffri Epshteyn ishi bo‘yicha hujjatlar orasida 2020 yilda FQBga qilingan qo‘ng‘iroqning stenogrammasi aniqlangan. Ismi sir tutilgan guvoh zo‘rlash holati haqida xabar bergan va unda Donald Trampni ayblagan", deya yozmoqda nashr.

Ma’lumotlarga ko‘ra, 2000 yil yanvarida o‘sha ayol vafot etgan. Uning boshida jiddiy jarohatlar aniqlangan bo‘lib, jasad topilgan joyni ko‘zdan kechirgan polisiya xodimlari bu holat o‘z joniga qasd qilish ehtimolini istisno etishini aytishgan. Shunga qaramay, sud-tibbiy ekspertiza xulosasida aynan o‘z joniga qasd qilgan degan qaror chiqarilgan.