Xizmatlar sohasini rivojlantirish uchun tadbirkorlarga zarur imtiyoz va imkoniyatlar yaratilgani, xususan, birinchi bosqichda 7 ta tijorat bankiga 1 trln 575 mlrd so‘m ajratilgani tilga olingan. Shuni hisobidan hududlarda 3 trln 600 mlrd so‘mlik 2400 ta loyihani amalga oshirish boshlandi.
«Natijada, 2020 yilning birinchi yarmiga nisbatan xizmatlar ko‘rsatish hajmi 18,3 foizga oshdi… Men eng kamida 35−40 foiz bo‘ladi deb o‘ylagandim», — dedi Shavkat Mirziyoyev.
Navoiy, Toshkent, Jizzax, Qashqadaryo, Namangan va Qoraqalpog‘istonda ko‘rsatkichlar past ekani tanqid qilindi.
Toshkent hokimi Jahongir Ortiqxo‘jayev, Milliy bank boshqaruvi raisi Alisher Mirsoatovga 1 sentyabrga qadar xizmatlar sohasida 120 mingta, yil yakuniga qadar 415 mingta yangi ish o‘rinlarini tashkil etish topshirig‘i berilgan.
O‘zbekiston tibbiyoti og‘ir judolikka uchradi
Tojikistonda bahorgi muddatli harbiy xizmatga chaqiruv rejasi 70 foizga bajarildi
Din ishlari bo‘yicha qo‘mita xodimlari o‘rtasida janjal kelib chiqdimi?
